以健康為本的社區發展

以人為本的基層醫療

健康公平倡議

葵青區基層在職家庭健康項目

一起營造健康社會

健康故事分享館

【「識死．惜生」：祝君健康】醫護行者跨專業分享

by hia_anthony 12/05/2022

12/05/2022
范寧醫生 – 聯合社區專業力量，支援基層醫療需求人士

by hia_anthony 09/03/2022

09/03/2022
我的小小世界 – 居住在深水埗劏房的小朋友的護眼故事

by paadmin 10/01/2022

10/01/2022
從疫情困境走過去 – 與「葵家」一起重掌健康生活

by paadmin 10/01/2022

10/01/2022
從醫社合作，走到社醫合作，邁向社醫共生

by paadmin 10/01/2022

10/01/2022
醫護行者對葵涌邨清潔工於疫情下的工人權益的立場書

by paadmin 10/01/2022

10/01/2022

追縱我們

health_in_action_hk

【買餸識得揀🍎🍇三高遠離我🥫】

【買餸識得揀🍎🍇三高遠離我🥫】

好多時我哋揀食咩落肚，都係以味道行先🤤。有時見到個包裝吸引，或者包裝上面標榜低鹽低糖低脂就即刻放落購物車。

好食固然重要，但我哋有冇考慮過食物嘅卡路里或者油鹽糖成份呢？稍一不慎，就會跌入美食嘅陷阱，距離三高又近一步😥對於患有糖尿前期、高血壓前期或高血脂人士，要注意飲食控制，避免惡化。

我們社區營養師跟護士👩🏻‍🍳👩🏻‍⚕，會陪同街坊一齊去超市，比較營養標籤，學識揀低脂低糖低納的食品，由食材源頭開始控制飲食。

#飲食 #營養 #營養標籤 #低糖 #HealthInAction #基層醫療 #醫護行者

---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【親親媽媽大行動】過去的母親節你

【親親媽媽大行動】

過去的母親節你哋過成點？有沒有時間跟媽媽相處？

醫護行者邀請27個家庭到場，參加為母親節而設一連串的慶祝活動，享受溫馨的親子時光。小朋友可以將平日唔敢講、沒有機會講的感謝說話，化成一幅幅的畫像、自製的手作跟心意卡，送禮給媽媽，最後一家人一起捧著小禮物站在佈置好的合照牆前面影相，記錄珍貴一刻。

我們亦邀請了多元文化族裔的家庭到場，跟本地街坊一同歡度節日。大家即場體驗Henna手繪，自製尼泊爾常見的街頭小食Chatpate，跟了解當地母親節特色跟慶祝方法。

藉此向各位母親表達敬意，獻上健康又有營養價值的西蘭花，願各位都可以活得健康。

#母親節快樂 #母親節 #家庭 #慶祝 #多元文化族裔 #醫護行者 #HealthinAction

【母親節快樂！】我哋提早準備了西

【母親節快樂！】

我哋提早準備了西蘭花跟心意卡，俾小朋友送俾媽媽以表達愛意，感謝媽媽一直以來的辛勞。

大家都記得要及時向媽媽表達謝意～

#母親節快樂 #醫護行者 #HealthinAction

💕心呼吸扭蛋機5月份通訊💕 唔少街

💕心呼吸扭蛋機5月份通訊💕

唔少街坊對壓力球好有興趣，想自己整返個�

今次我地分享下自製壓力球嘅方法！

💡預備物資：
面粉50g、氣球一個、水樽一個

💡步驟：
1. 水樽風乾後，將50克面粉放入內。
2. 將氣球套在樽口上，並將樽內面粉倒入氣球。
3. 將氣球綁好，完成！��
⚠注意：使用面粉時請遠離火種
_________________________________
我仲未儲齊呀！等埋我呀！🏃🏻‍♀💨
由於上一期扭蛋活動反應熱烈，我地決定將上一期主題延長一個月🌟�
未扭嘅街坊快啲過黎儲齊一套啦！

🔋5月心呼吸扭蛋基地：🔋
▪「葵家社康匯」：永祥工業大廈5樓B1-2室
▪「醫護行社區藥房」：貿易之都901室
▪「Relax Coffee」：葵涌葵昌路72-76號Life@KCC地下G06舖

黎緊將會有唔同心呼吸活動，歡迎留言分享你有興趣嘅主題！

#心呼吸 #扭蛋機 #健康 #醫護行者 #HealthinAction

【返工體力消耗＝消脂減重？】成日

【返工體力消耗＝消脂減重？】

成日都有街坊問：「我返工成日郁，算唔算做運動？」

其實所謂的帶氧運動🏊🏻🏃🏻‍♀🏃🏻，由有節奏的重複性動作組合而成，以大肌肉活動為主，活動時間相對較伸展運動及阻力訓練長。運動過程中，心率及呼吸會隨運動量提升而增加💪🏻。從事勞動工作並不能夠做到同一效果，所以無論任何工種，都應該要定期做運動。

我們為期兩個月的體重管理班，招募一班屬於肥胖（BMI 超過27）的參加者，由健體教練跟營養師為他們制定個人飲食跟運動目標，讓他們可以在適當的指導下，建立健康飲食習慣🍎🥬，配合運動預防三高。

要參加者突破自己開始運動習慣，都要配合可行的計劃先得，運動班安排在他們收工時間在公園上堂，讓他們知道只要有恆心的話，平時都可以找到地方做運動。

#帶氧運動 #肌肉 #體重管理 #消脂 #飲食 #HealthInAction #基層醫療 #醫護行者

---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

好玩社區又黎啦，今次我們繼續走出中心，到葵青區球場跟多元文化族裔人士一齊玩樂。

睇住大人小朋友們打成一片，就知道不論成長背景、族裔人士都可以一樣互相尊重，在公共空間享受樂趣。

想參加的話，就留意下一次的好玩社區：
日期：5/5
時間：1600-1800
地點：葵涌永祥工業大廈5樓B室

#playright #好玩社區 #小朋友 #多元化族裔 #基層醫療 #醫護行者 #HealthInAction

---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【全職照顧者的一天】作為一個全職

【全職照顧者的一天】

作為一個全職照顧者，可以有幾忙？

阿娜的一日由清晨6點開始，連續湊兩個女返學、買餸、湊只得一歲幾的仔仔睡覺、做家務、再接兩個女放學，教做功課...

到深夜丈夫下班時，又要忙著照顧他的起居飲食，朝六晚十，忙足一整日，跟恆常打工仔一樣無限OT。

阿娜跟我們聊天過程中，話題都離不開小朋友，卻很少會提到自己。家中堆放的最多就是小朋友物品，每天花大量時間收拾屋企，轉眼間又被弄亂。自從知道小朋友營養不良後，她連家中廚櫃都換上瓶瓶罐罐的藥材跟營養品，實行全方位照顧。

她自己有什麼健康問題呢？即使提到健康，她仍然先說小朋友的問題，再三問她，良久先想到自己有腰骨痛，抵受不住長期站立。當我們建議她要多做拉筋動作，她又會以自己沒有時間來推搪，最常聽到她說自己「唔得閒呀，我要做呢樣個樣...」。

當照顧者以為自己沒有問題，往往就是最大問題，總會忽略了要先照顧自己，再有能力顧及家庭。如果你都是全職照顧者，你的時間表又是怎樣呢?

#人人健康可達到 #照顧者 #家庭主婦 #全職照顧者 #健康 #物理治療 #拉筋 #HealthInAction #基層醫療 #醫護行者
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【運動大使】由醫護行者物理治療同

【運動大使】

由醫護行者物理治療同事主導的運動之星計劃，有一系列活動鼓勵街坊多做運動，學習痛症知識。

但我們想行多一步，希望參加者在完成計劃後，將個人成長結合所學，變成有價值的知識分享，在社區延續落去，於是就邀請他們成為運動大使，讓他們不再侷限參加者的身份，而是以同行角度、幫助有需要的人。

好似中心自助運動站近日新增三個體能小挑戰，挑戰體能之巔：

✅手握力
✅平板支撐
✅靠牆無影櫈

在運動大使協助下，已經有不少街坊完成三項挑戰，取得不俗的成績。而我們亦會將街坊成績張貼在排行榜上面，希望大家可以互相鞭策！

#運動之星 #痛症知識 #運動大使 #物理治療 #運動 #HealthInAction #基層醫療 #醫護行者

---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【清潔工友過成點?】

有一段時間沒有探望清潔工友🦺啦，唔知他們過成點？

醫護行者幾位專職同事，之前到葵涌一個垃圾站探望他們，派發口罩、了解他們的健康跟其他需要。

工友們說目前有足夠的防疫物資，雖然現時已沒有戴口罩要求，但他們仍然自覺戴上口罩😷，保護自己。

除了有營養師即場為他們度血壓血糖，讓他們掌握知道自己的身體近況外，健體教練亦有教他們做伸展動作等。

知道工友們身體沒有大問題，同事都放心晒，亦叮囑他們工作小心。

藉機會提醒大家，就算疫情過去，大家可以用自己方法為工友們打氣：

一聲招呼，與他們友善互動👋🏻
一句感謝，表示尊重和支持他們
一同好好丟垃圾🗑️，減低工友們感染風險和傷害
（丟棄垃圾前，先倒走樽內液體🧋🍶、尖銳物品用紙張包好、綁好垃圾袋口）

#清潔工友 #清潔 #防疫物資 #三高 #垃圾棄置 #HealthInAction #基層醫療 #醫護行者

---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【5種防流感的營養素】
有咩食物可以防流感？

我哋營養師建議，盡量攝取蛋白質、維他命A、C、E、鋅，尤其是維他命Ｃ以維持免疫系統運作正常。

#營養 #飲食 #免疫力 #HealthInAction #基層醫療 #醫護行者

---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

做開運動的大家，一定唔會對啞鈴同橡筋帶陌生。

你又知唔知要訓練肌力，瑜伽球都一樣做得到？

睇下健體教練示範啦~

#肌力訓練 #運動 #健體教練 #瑜伽球 #醫護行者 #HealthInAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

😶‍🌫你最近嘅煩惱係咩呢🧠❓ 點

😶‍🌫你最近嘅煩惱係咩呢🧠❓

點解人哋總係比自己好🤔❓
點解我做得咁好都冇人認同我😤❓
點解我好似失去自我👧🏻👦🏻❓

面對突如其來嘅壓力同負面情緒，你會點做呢⁉
為咗堅持每日返工呢個夢想，過嚟充滿電🔋再做啦‼
比自己幾分鐘喘息嘅時間，同你一齊走過難關🥰‼

黎緊一連6個月我哋會喺葵家社康匯、醫護行社區藥房放置心呼吸扭蛋機，歡迎有興趣嘅你過黎🎁扭一個屬於你嘅心理健康小tips！
每個月嘅主題都唔同，詳情將於每月1號公佈！

4月心呼吸扭蛋基地：
▪「葵家社康匯」：永祥工業大廈5樓B1-2室
▪「醫護行社區藥房」：貿易之都901室

⚠如抽中壓力球，請小心球內含有面粉，使用時請遠離火源！⚠

#心呼吸 #健康 #醫護行者 #HealthinAction

【家居照明測試】居住環境同我們生

【家居照明測試】

居住環境同我們生活質素息息相關，每人都想住好一些，但對於劏房住戶，要有足夠的生活空間並不容易。

醫護行者的家訪計劃，最近探訪媽媽阿娜的劏房屋企，兩個小朋友平時習慣係飯枱做功課。在沒有窗的環境下，燈膽就是唯一照明來源。

一般閱讀光線適宜在300至600 lux (照度)。根據測光儀，阿娜家中桌上的光線僅有200 lux (照度)左右，光線不足容易導致眼睛疲勞。

兩位小朋友去年先後有近視同散光，其中一位只有4歲，卻有250度的散光。繼續在光線唔足環境下閱讀，對他們的視力發育尤其影響。

阿娜話小朋友有時會於床上睇書、看平板電腦。其實書跟物件擺放角度都影響光線照射，加上在床上閱讀影響小朋友脊椎發育，並不是理想的閱讀環境。

在我們建議之下，阿娜決定加購座枱燈，增加光線照明，同時都學識要多注意小朋友閱讀時的坐姿。

#陳廷驊基金會 #光輝圍慈悲關懷社區計劃 #人人健康可達到 #居住環境 #劏房 #光線 #照明 #醫護行者 #HealthinAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

自從月初撤銷口罩令後，戴唔戴口罩成為討論話題。在我們恆常街站中，我們同香港大學護理學院實習學生，一起在光輝圍街站做非正式統計，問問大家取態。

其實戴口罩係個人的健康選擇，比起統計結果，更想大家可以藉此機會思考，知道自己基於咩原因做決定，掌握自己的健康權。

一個人的健康不只是牽涉自身生活習慣，同樣受不同階層、社會生態、文化背景、宗教信仰等不同因素影響。在急速多變的社會環境下，如何掌握健康生活，對我們是一大挑戰。而當面對這類挑戰時，我們的決定將會對我們身體、生活造成怎樣的影響，選擇權亦在我們手上。

P.S.對於社會上仍然有不少人有工作、日常生活需要而必須佩戴口罩，我們亦可以多加關注他們的情況。如果你有剩餘的防疫物資，歡迎捐贈給有需要人士。

#口罩 #口罩令 #社區 #健康 #醫護行者 #HealthinAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【社區營養師及健體教練流動諮詢站】

「社區營養師同一般營養師有咩分別？健體教練係咪只教人做Gym？」

以上係常見街坊對我哋的疑問，其實除了在中心為街坊指導營養和痛症管理外，我哋的社區營養師同健體教練更會走出社區，擺設流動街站為葵青區街坊做健康篩查，例如即場度高及體重，找出他們的健康風險，針對個人情況解答他們的健康疑問。

為了想了解深入一點，我哋更會多方面了解街坊的健康情況、生活習慣，提供貼地又生活化的飲食同運動建議，等大家從生活出發變得健康！

#社區 #社區營養師 #營養師 #健體教練 #痛症管理 #健康 #醫護行者 #HealthinAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【少數族裔婦女與做運動的距離】要

【少數族裔婦女與做運動的距離】

要出門做運動，對你有冇難度？

對於一眾少數族裔婦女，她們做運動要顧慮的事情就多得很。

一般而言，基於宗教跟文化差異，她們需要保持與異性的社交距離，要在同一空間做運動會令她們產生困擾，感到不安心。

在服飾上，她們慣常以長衣跟頭巾遮蔽身體，一旦做運動時需要換上運動衣，但又不能讓異性看見，因此索性不會在公共場合做運動。

在缺乏適當配套的社區設施下，她們做運動的意欲大大減少，增加三高及肥胖風險。

醫護行者的自助運動區因此特別加設布簾，讓她們放心在密閉環境下，享受做運動樂趣，逐漸培養運動習慣。

#少數族裔 #運動 #文化包容 #自助運動區 #醫護行者 #HealthinAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【趙小姐：食藥太複雜藥物諮詢有解答】

我哋醫護行社區藥房 Health In Action Community Pharmacy 的藥物諮詢熱線，長期都會收到唔少查詢，趙小姐就係近期其中一個服務對象。

趙小姐話有一日收到醫院通知，爸爸抽血結果唔穩定，要盡快再到醫院抽血化驗，但就要等下次覆診期間先知結果。趙小姐覺得好擔心，於是向醫護行者藥劑師尋求意見。

佢爸爸凝血指數一直不太穩定，需要服用薄血丸。不過原來一旦服用薄血丸，要確保攝取固定維他命K，食邊種菜，食幾多都有機會影響藥效。

藥劑師知道趙小姐爸爸情況後，提供適合嘅蔬菜進食清單，又提醒有吞嚥困難嘅趙爸爸，食唔到菜心可以改食啲咩菜，同埋要避免食芥蘭、菠菜等呢啲比較高維他命 K嘅蔬菜，以免影響藥效。

趙小姐聽完之後覺得安心咗：「爸爸有心臟問題，又中過風，食緊嘅藥好複雜，一旦有咩唔舒服，會即刻想搵專業意見問下。但係我就算搵普通科醫生，都唔係睇開既，未必跟到咁足。呢到好方便，用Whatsapp send 完信息，好快就收到藥劑師回覆。」

#藥物管理 #薄血丸 #藥劑師熱線 #醫護行社區藥房 #醫護行者 #HealthinAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

人人話做運動，唔通真係日日都有做運動？

我哋第一期運動之星嘅參加者唔係得個講字。睇完我哋健體教練示範正確動作後，平時會係自助運動區做操肌拉筋運動，同時又會參加我哋醫護行者嘅運動訓練班。

早排舉辦嘅分享會，大家一齊回顧返自己運動紀錄，見證住對方係互相陪伴下，點樣建立自主、正確嘅運動習慣，提升自信心，唔再覺得「做唔到，好難」而對運動卻步。

#運動之星 #健體教練 #運動 #醫護行者 #HealthinAction
---------------------------------------
【推動基層健康　需要你的支持】
請即捐助我們，共同為健康公平社會出一分力
https://donate.hia.org.hk/

【尊重少數族裔飲食文化　度身設計營養餐單】

少數族裔食物傾向多油多鹽糖，但呢種長期高糖高脂嘅飲食習慣，係造成佢哋肥胖嘅元兇，容易引致三高問題。

Lala本身有肥胖同高血壓，而肥胖人士嘅關節會比一般人更受壓，導致身體慢性發炎：「周不時都覺得全身痛，唯有叫個女幫我按摩下。」

想更徹底改善健康，可以由飲食習慣入手，不過知易行難，佢哋難以180度改變。

係尊重佢哋飲食文化嘅前提下，我哋營養師邀請Lala參加我哋體重管理計劃，慢慢學習點樣選擇食材同改善烹調手法：用氣炸鍋代替傳統高溫煎炸方法，唔再用油樽倒油，改用匙羹黎控制用油份量。

Lala又同另一參加者Sabrina做朋友，試過約埋一齊上黎中心，研究點將健康元素加入佢哋傳統甜食，好似用蔬果代替高脂的咖喱角，低鹽米餅代替餅乾、蘇打餅，整成鷹嘴豆泥米餅。

改善飲食配合運動，佢哋完成計劃後明顯減重，Lala 笑住同我哋分享，依家唔再周身骨痛，連帶血壓都穩定咗。唔只係佢哋，計劃完結後，超過八成的少數族裔參加者係體脂、體重等健康指標都有下降。

從佢哋例子可以見到，作為家庭照顧者，佢哋學到的經驗同營養知識，不止影響一人健康，亦為全家健康帶來改變。

一星期三日，醫護行者會根據唔同主題在光輝圍擺街站，聽下大家健康疑難，歡迎係以下時間來見下我哋！

星期三：上午10點至12點
星期四：下午6點至7點半
星期五：下午5點至7點

#陳廷驊基金會 #CompassionInAction慈之以行

Load More... Follow on Instagram